Savn: Summartónar 2025
Summartónar vera í tíðarskeiðinum 1. mai til 31. august 2025
Felagið Føroysk Tónaskøld hevur skipað fyri Summartónum; tónaskald- og sangskrivarafestivalinum fyri klassiskum og nútímans tónleiki – árliga í yvir 30 ár.
Festivalurin er til fyri at stuðla undir ríka og fjølbroytta tónleikin hjá føroyingum, og føroysk tónaskøld eru kjarnin í skránni hjá Summartónum.
Gjøgnum árini hava yvir 1600 konsertir verið, og á hvørjum ári verða fleiri nýggj verk framførd – yvir 500 verk hava havt sínar heimsfrumframførslur á Summartónum, har nógv tær flestu eru skrivaðar av føroyskum tónaskøldum.
